28.02.2017

D’Erchöutig macht au voreme Phantom ke haut,
die Katakombe si haud scho chaut.

Parat i voller Pracht,
gseh mir üs nöchst Johr ar Fasnacht!

s'Phantom

Fasnachts-Gedicht

Johr für Johr am Morge früeh,
träffe mir üs no ganz ir Rueh.
Mit Zipfumütze und wissem Hemmli,
lärme mir ab de 5i ohni Hemmig.                  
D Chesslete – e soledurner Tradition,
schliesse mir ab mit Mäusuppe, e grossi Portion.
S‘ isch immer eso gsi, s‘ isch immer eso gsi.

Bronze, Söuber und au Goud,
üsi Edumetau, gäute au aus Wägzou.
Jede Narr  het e Plagette  a,
am beschte grad a sim Koschtüm dra.
S‘ isch immer eso gsi, s‘ isch immer eso gsi.

Lustig söus sy, au mit chli wyy
Zäme wei mr gsöuig sy
Drzue git’s  de au chli warm,
scho mänge het kenne glehrt so si Schwarm.
S‘ isch immer eso gsi, s‘ isch immer eso gsi.

Aui Fasnachtsgruppe,
ob Schnitzubänk, Zünft oder Gugge.
Wunderbari Koschtüm me cha nume stune,
verbunge mit Värse und Musik machts nomeh Lune.
S‘ isch immer eso gsi, s‘ isch immer eso gsi.

Zwöi mau dörfe mir dr Umzug gniesse,
dr Amthusplatz dieu mr grad schlisse.
Dürs Bieutöri mieusse aui fahre,
egau wie gross dr Chare.
Zur Sankt Ursestäge fieurt dr Wäg,
„Lüt uf dr Stäge sit dr zwäg??“
Dr Chronestutz mit sim grobe Gfäu,
trotz Räge und Schnee, hei mir weni Umfäu.
s’isch immer eso gsi, s’isch immer eso gsi.

Ab id Vorstadt dört chasch jez neu ir Loooge sitze,
mit spannende Kommentär zude flotte Flitzer.
Brüüch hei mir nid nur die aute,
gäng öpe dieu mir neui freischaute.
S’wird immer eso si, s’wird immer eso si.

Neu schliicht es Phantom dür Gasse,
es macht nid nur e Grimasse.
Usem Nüt use isches erwacht,
es vermittlet dr Geist vor Fasnacht.
Suechet das Gschöpf vor Nacht,
vilech heds euch sogar öpis parat gmacht.

© by Phantom

leider...

28.02.2017
^^ Geduld ^^

Wir sehen uns an der Fasnacht! 2018...

D’Erchöutig macht au voreme Phantom ke haut,
die Katakombe si haud scho chaut.

Parat i voller Pracht,
gseh mir üs nöchst Johr ar Fasnacht!

s'Phantom

zur Seite von der Fasnacht 2017